టాలీవుడ్ టాలెంటెడ్ యాక్ట‌ర్ సత్యదేవ్ గురించి ప్ర‌త్యేకంగా ప‌రిచ‌యాలు అవ‌స‌రం లేదు. మిస్టర్ ఫర్ఫెక్ట్ సినిమాతో తెలుగు ఇండ‌స్ట్రీలో అడుగు పెట్టిన స‌త్య‌దేవ.. జ్యోతిలక్ష్మి క్రేజ్ సంపాదించుకున్నాడు. ఆ త‌ర్వాత వ‌చ్చిన బ్లఫ్ మాస్టర్, ఉమామహేశ్వర ఉగ్రరూపస్య చిత్రాల‌తో సత్యదేవ్ స‌త్తా ఏంటో అంద‌రికీ తెలిసింది.
పాత్ర‌లో ప‌ర‌కాయ ప్ర‌వేశం చేసి నటించే వారిలో ఈయ‌నా ఒక‌రు. ఇక ప్ర‌స్తుతం హీరోగానే కాకుండా క్యారెక్టర్ ఆర్టిస్టుగా కూడా నటిస్తూ దూసుకుపోతున్న సత్యదేవ్.. త్వ‌ర‌లోనే బాలీవుడ్ ఎంట్రీ ఇవ్వ‌బోతున్నాడు. అది కూడా ఓ స్టార్ హీరో మూవీతో. బాలీవుడ్ స్టార్ అక్షయ్‌కుమార్, జాక్వెలిన్‌ ఫెర్నాండెజ్, నుష్రత్‌ ప్రధాన పాత్రల్లో అభిషేక్‌ శర్మ దర్శకత్వంలో రూపొందుతున్న చిత్రం రామ సేతు.
అయితే ఈ చిత్రంలో ఓ కీల‌క పాత్ర కోసం స‌త్య‌దేవ్‌ను తీసుకున్నారు. ఈ విష‌యాన్ని స్వ‌యంగా స‌త్య‌దేవ్‌నే వెల్ల‌డించాడు. `కొన్ని విషయాలు మనం ఊహించకుండానే జరిగిపోతుంటాయి. నా బాలీవుడ్ పరిచయం కూడా అంతే. నేను నా ప్రొఫైల్‌ను బీ టౌన్‌లో షేర్‌ చేయలేదు. కానీ రామ సేతులో నటించే అవకాశం వచ్చింది. హ్యాపీ అంటూ చెప్పుకొచ్చాడు సత్యదేవ్.