బాలీవుడ్ మిస్ట‌ర్ ప‌ర్ఫెక్ట్ అమీర్ ఖాన్.. ఇటీవల భార్య కిరణ్ రావ్ నుంచి విడాకులు తీసుకున్న సంగ‌తి తెలిసిందే. 15 ఏళ్ల వైవాహిక బంధానికి ముగింపు పలుకుతున్నట్లు అమీర్ ఖాన్-కిరణ్ రావ్ ప్రకటించ‌డంతో అంద‌రూ ఒక్క‌సారిగా షాక్ గుర‌య్యారు. ఈ నేప‌థ్యంలో కొంద‌రు సెటైర్లు, ట్రోలింగ్లు కూడా చేశారు.
విచిత్రం ఏంటంటే.. విడాకుల తర్వాత ఈ జంట ఇంకా కలిసే తిరుగుతున్నారు. మొన్నీ మ‌ధ్య కిరణ్ రావ్‌తో.. అమీర్ తాను ప్రస్తుతం నటిస్తున్న లాల్ సింగ్ చద్దా షూటింగ్ సెట్‌లో సంద‌డి చేసి వార్త‌లు నిలిచాడు. అయితే తాజాగా మాజీ భార్య‌ను మ‌రోసారి క‌లిశాడు అమీర్. అంతేకాదు, ఈమెతో ఓ ఆడ ఆడ‌కున్నాడు. పూర్తి వివ‌రాల్లోకి వెళ్లే..
అమీర్ ప్రస్తుతం అద్వైత్‌ చందన్ దర్శకత్వంలో లాల్ సింగ్ చద్దా అనే చిత్రం చేస్తున్నాడు. ఇందులో కరీనా కపూర్‌ హీరోయిన్‌గా, నాగ చైతన్య కీల‌క పాత్ర‌లో క‌నిపించ‌నున్నారు. ఈ మూవీ షూటింగ్ ఇటీవల లడఖ్‌లో స్టార్ట్ అయింది. ఈ షెడ్యూల్‌లో నాగచైతన్య పాల్గొన్నారు. అయితే షూటింగ్ గ్యాప్‌లో.. అమీర్ ఖాన్.. తన కొడుకు ఆజాద్, మాజీ భార్య కిరణ్ రావు, నాగ‌చైత‌న్య‌ల‌తో కలిసి టేబుల్ టెన్నిస్ ఆడారు. ప్రస్తుతం ఇందుకు సంబంధించిన పిక్స్ నెట్టింట వైరల్ అవుతున్నాయి.
