తమన్నా.. ఈ పేరుకు పరిచయాలు అవసరం లేదు. ఇండస్ట్రీలో అడుగు పెట్టి పదిహేను సంవత్సరాలు దాటిపోయినా.. ఈ అమ్మడు స్టార్ హీరోయిన్గా దూసుకుపోతూనే ఉంది. ప్రస్తుతం సినిమాలే కాకుండా వెబ్ సిరీస్లతోనూ ప్రేక్షకులను అలరిస్తున్న ఈ చిన్నది బుల్లితెరను కూడా వదిలి పెట్టడం లేదు.
తాజా సమాచారం ప్రకారం.. త్వరలోనే బుల్లితెర ఎంట్రీకి తమన్నా సిద్ధమవుతున్నట్టు తెలుస్తోంది. ఓ ప్రముఖ తెలుగు ఛానల్ లో ప్రసారం కానున్న వంటల ప్రోగ్రాంకి తమన్నా జడ్జిగా వ్యవహరించనున్నారట.
ప్రస్తుతం ఇందుకు సంబంధించి ప్రణాళికలు రెడీ అవుతున్నట్టు సమాచారం. మరి నిజంగానే తమన్నా బుల్లితెరపై కూడా అడుగు పెడితే.. ఆమె అభిమానులకు పండగనే చెప్పాలి.