సోనూసోద్..దేశవ్యాప్తంగా మారుమోగిపోతున్న పేరు ఇది. కరోనా విపత్కర పరిస్థితుల్లో అనేక సేవా కార్యక్రమాలు చేస్తూ ప్రజల చేత రియల్ హీరో అనిపించుకుంటున్న సోనూ.. తాజాగా సైకిల్పై గుడ్లు, బ్రెడ్డు అమ్ముకుంటూ దర్శనమిచ్చారు.
సోనూ సూద్ ఏంటి సైకిల్ పై గుడ్లు, బ్రెడ్డు అమ్మడం ఏంటి అనేగా మీ సందేహం!.. అక్కడికే వస్తున్నా ఆగండీ. సైకిల్పై సూపర్ మార్కెట్ కాన్సెప్ట్తో అభిమానుల ముందుకు వచ్చిన సోనూ.. పదిగుడ్లు కొంటే ఒక బ్రెడ్డు ఫ్రీ అని ఆఫర్ ప్రకటించాడు.
హోమ్ డెలివరీ కూడా ఉచితమే అని చెప్పాడు. ఇంతకీ ఇదేదో సినిమా షూటింగ్ అనుకునేరు, కానే కాదు.. చిరు వ్యాపారులను ప్రోత్సహించమని చెప్పేందుకు సోనూ ఈ వీడియో చేసి సోషల్ మీడియా ద్వారా పంచుకున్నాడు. ప్రస్తుతం ఈ వీడియో తెగ వైరల్ అవుతోంది.
https://www.instagram.com/p/CQdv4H0gyEe/?utm_source=ig_web_copy_link