క్యాన్సర్ ఎంత భ‌యంకర‌మైన వ్యాధో అన్న సంగతి తెలిసిందే. అలాంటి భయంకర వ్యాధి క్యాన్సర్ లో ఎన్నో రకాల వేరియేషన్స్ ఉన్నాయి. వాటిలో స్కిన్ క్యాన్సర్ ఒకటి. అయితే స్కిన్ క్యాన్సర్ ని తక్కువ ఖర్చుతోనే ఈజీగా నయం చేసేలా ఓ సరికొత్త ప్రయోగానికి నాంది పలికాడు ఓ 14 ఏళ్ల కుర్రవాడు. అమెరికాలోని వర్జీనియాకు చెందిన హేమంత్ బేకెలే.
స్కిన్ క్యాన్సర్ ను ఎవరైనా సులువుగా జ‌యించేందుకు అణువుగా ఓ సబ్బును కనిపెట్టాడు. అతి తక్కువ ఖర్చుతో మ‌ధ్య త‌ర‌గ‌తి వాడు కూడా ఈ స‌మ‌స్య నుంచి బ‌య‌ట‌ప‌డేలా.. స్కిన్ క్యాన్సర్ నయం అయ్యేలా ఈ సబ్బును రూపొందించాడు. కేవలం ఈ సబ్బు ధర రూ.800 మాత్రమే కావడం విశేషం. ఇక 14 ఏళ్ల వయసులోనే ఇంత తక్కువ ఖరీదుతో ఎంతో ఉపయోగకరమైన ఈ సబ్బును కనిపెట్టి టాప్ ఎండ్ సెంటిస్ట్‌గా అవార్డును అందుకున్నాడు హేమంత్ బెకెలే.
కాగా ఈ బాలుడికి పరిశోధనను సక్సెస్ సాధించడానికి అవసరమైన సమయంలో త్రిఎమ్‌ డిస్కవరీ ఎడ్యుకేషన్ సైంటిస్టుల సలహాదారు అయినా డాక్టర్ మహ్ఫుజ్‌ అలీ హెల్ప్ చేశారు. ప్రస్తుతం ఈ న్యూస్ సోషల్ మీడియాలో వైరల్ అవ్వడంతో హేమ‌న్‌ పై నిటిజన్లు ప్రశంసల వర్షం కురిపిస్తున్నారు. ఇలాంటి అద్భుతమైన ఆవిష్కరణలు మ‌రెన్నో చేయాలని మధ్యతరగతి కుటుంబాలకు కూడా వైద్యం విషయంలో ఇది ఎంతగానో ఉపయోగపడతాయి అంటూ కామెంట్లు చేస్తున్నారు.