మెగా ప్రిన్స్ వరుణ్ తేజ్ ప్ర‌స్తుతం చేస్తున్న చిత్రాల్లో `గ‌ని` ఒక‌టి. కిరణ్‌ కొర్రపాటి దర్శకత్వం వ‌హిస్తున్న ఈ చిత్రం సాయి ముంజ్రేకర్ హీరోయిన్‌గా నటిస్తుండగా.. న‌వీన్ చంద్ర, జ‌గ‌ప‌తిబాబు, సునీల్ శెట్టి, న‌దియా, ఉపేంద్ర కీల‌క పాత్రల్లో క‌నిపించబోతున్నారు.
బాక్సింగ్ నేప‌థ్యంలో రూపుదిద్దుకుంటున్న ఈ చిత్రం కోసం వరుణ్ ఎంతో శ్రమించాడు. తనని తాను పూర్తిగా మార్చుకున్నారు. తాజాగా వరుణ్ తేజ్ తన ట్రాన్సఫర్మేషన్‌కు సంబంధించిన ఫోటోలను ట్విట్ట‌ర్ ద్వారా షేర్ చేశాడు. వాటిల్లో సిక్స్ ప్యాక్ బాడీతో ఫుల్‌ ఫిట్ గా కనిపిస్తున్నారు వరుణ్.
ఇక ఓ ఫోటోలో అయితే షర్ట్ లేకుండా అర్థ న‌గ్నంగా క‌నిపించాడు. ఏదేమైనా తాజా ఫోటోలు చూస్తుంటే ఆయన పడిన కష్టం కళ్ల ముందు కనిపిస్తోంది. ఈయన మేకోవర్ చూసి అభిమానులతో పాటు ఇండస్ట్రీ కూడా ఆశ్చ‌ర్య‌పోతోంది.
