దర్శకధీరుడు ఎస్ ఎస్ రాజమౌళి తన సినీ కెరీర్లో తెరకెక్కించిన ఓ వండర్ మూవీ `బాహుబలి` . తెలుగు సినీ పరిశ్రమ ఖ్యాతిని పెంచిన ఈ చిత్రం.. ప్రభాస్ స్టామినాను ప్రపంచానికి పరిచయం చేసింది. రెండు భాగాలుగా విడుదలైన ఈ చిత్రంలో ప్రభాస్, రానా దగ్గుబాటి, అనుష్క, తమన్నా, రమ్యకృష్ణ, సత్యరాజ్, నాజర్లు ప్రేక్షకులకు గుర్తిండిపోయే పాత్రలను పోషించడమే కాదు.. తమదైన నటనతో వారిని రంజింపచేశారు కూడా.
ఇక ఎన్నో రికార్డులను నెలకొల్పిన ఈ చిత్రాన్ని మొదట రాజమౌళి హిందీలో తీయాలని భావించారు. కానీ, ఆ తర్వాత మనసు మార్చుకున్న జక్కన్న.. తెలుగులోనే తెరకెక్కించి టాలీవుడ్ స్టాయిని ఒక్కసారిగా పెంచేశారు. అయితే ఇటువంటి గొప్ప సినిమా నుంచి ఆఫర్లు వస్తే.. కొందరు స్టార్లు చేతులారా వదులుకున్నారు. ఈ లిస్ట్లో మంచు లక్ష్మి కూడా ఒకరు.
ఇంతకీ `బాహుబలి`లో మంచు లక్ష్మి రిజెక్ట్ చేసిన క్యారెక్టర్ ఏంటో తెలుసా.. `శివగామి`. అవును, మీరు విన్నది నిజమే. బాహుబలి చిత్రంతో అత్యంత కీలకమైన పాత్ర `శివగామి`. మొదట రాజమౌళి ఆ పాత్ర కోసం శ్రీదేవితో సంప్రదింపులు జరిపారు. కానీ శ్రీదేవి అధిక పారితోషికం కోరడంతో.. ఆ తర్వాత అదే పాత్రకు మంచు లక్ష్మిని కూడా సంప్రదించారట.
అయితే ప్రభాస్ కు తల్లి పాత్ర తాను కూడా చేయనని మంచు లక్ష్మీ కరాఖండిగా చెప్పేసిందట. దాంతో చివరకు ఆ పాత్రను సీనియర్ స్టార్ హీరోయిన్ రమ్యకృష్ణ పోషించి.. ప్రపంచ స్థాయిలో సూపర్ క్రేజ్ను సంపాదించుకుంది.