ఏపీలో కొత్త‌గా 174 క‌రోనా కేసులు..మ‌ర‌ణాలెన్నంటే?

November 21, 2021 at 8:21 pm

చైనాలో పురుడు పోసుకున్న అతి సూక్ష్మ జీవి అయిన‌ క‌రోనా వైర‌స్‌.. ప్రపంచ‌దేశాల‌ను ఏ స్థాయిలో అత‌లా కుత‌లం చేసిందో ప్ర‌త్యేకంగా చెప్ప‌క్క‌ర్లేదు. చిన్నా, పెద్ద అనే తేడా లేకుండా అంద‌రిపై విరుచుకుప‌డిన క‌రోనా.. ఫ‌స్ట్ వేవ్‌లోనే కాకుండా సెకెండ్ వేవ్‌లోనూ ప్ర‌జ‌ల‌ను ముప్ప తిప్ప‌లు పెట్టేసింది. అయితే ఇప్పుడిప్పుడే మ‌ళ్లీ ప‌రిస్థితులు చ‌క్క‌బ‌డుతున్నారు. క‌ర‌నా ఉధృతి క్ర‌మంగా త‌గ్గుతూ వ‌స్తోంది. ఆంధ్ర‌ప్ర‌దేశ్ రాష్ట్రంలోనూ క‌రోనా మెల్ల మెల్ల‌గా కంట్రోల్ అవుతోంది.

గ‌త కొద్ది రోజులుగా రోజూవారీ కేసులు 500 లోపుగానే న‌మోదు అవుతూ వ‌స్తున్నాయి. రాష్ట్ర వైద్య, ఆరోగ్య శాఖ తాజాగా వెల్లడించిన వివరాల ప్రకారం.. గడిచిన 24 గంటల్లో కొత్తగా 174 పాజిటివ్ కేసులు నమోదయ్యాయి. వీటిల్లో అత్య‌ధికంగా కృష్ణ జిల్లాలో 32 కేసులు న‌మోదు కాగా.. క‌ర్నూలు జిల్లాలో ఒక్క కేసూ న‌మోదు కాక‌పోవ‌డం విశేషం.

దీంతో రాష్ట్రంలో క‌రోనా పాజిటివ్ కేసులు 20,68,349 కి చేరింది. అలాగే గత 24 గంటల్లో ఎటువంటి మ‌ర‌ణాలు సంభ‌వించ‌లేదు. ప్ర‌స్తుతం రాష్ట్రంలో మృతుల సంఖ్య 14,426 ద‌గ్గ‌ర నిలిచింది. ఇక నిన్నొక్క రోజే 301 మంది క‌రోనా నుంచి విముక్తి పొంద‌గా.. ఇప్ప‌టివ‌ర‌కు రాష్ట్రంలో మొత్తం రికవరీల సంఖ్య 20,51,658 కి చేరుకుంది. ప్ర‌స్తుతం ఏపీలో 2,265 యాక్టివ్ కేసులు ఉన్నాయి. కాగా, నిన్న‌ రాష్ట్ర‌వ్యాప్తంగా 24,659 క‌రోనా టెస్ట్‌లు నిర్వ‌హించారు.

ఏపీలో కొత్త‌గా 174 క‌రోనా కేసులు..మ‌ర‌ణాలెన్నంటే?
0 votes, 0.00 avg. rating (0% score)


Related Posts