టాలీవుడ్ ల‌క్కీ బ్యూటీ రష్మిక మంద‌న్నా ప్ర‌స్తుతం తెలుగు, త‌మిళ, క‌న్న‌డ మ‌రియు హిందీ భాష‌ల్లో వ‌రుస సినిమాలు చేస్తూ క్ష‌ణం తీరిక లేకుండా గ‌డుపుతున్న సంగ‌తి తెలిసిందే. మ‌రోవైపు సోష‌ల్ మీడియాలోనూ యాక్టివ్‌గా ఉంటూ అభిమానుల‌ను అల‌రిస్తుంటుంది. ఇదిలా ఉంటే.. తాజాగా రష్మికకు టాలీవుడ్ టాప్ హీరోయిన్‌, అక్కినేని వారి కోడ‌లు సమంత అదిరిపోయే గిఫ్ట్ పంపింది.
సమంత కొంతకాలం కిందట సాకీ పేరుతో ఆన్ లైన్ వస్త్ర వ్యాపారం ప్రారంభించిన సంగ‌తి తెలిసిందే. ఇటీవ‌లె సాకీ స్థాపించి ఏడాది పూర్తయింది. ఈ సందర్భంగా సమంత ఫుల్ ఎంజాయ్ చేస్తూ సెల‌బ్రేట్ చేసుకుంది. అలాగే సమంత రష్మికకు సాకీ బ్రాండ్ నుంచి గిఫ్ట్ హాంపెర్ ని పంపింది.
సమంత నుంచి గిఫ్ట్ రావడంతో రష్మిక ఆనందంతో ఉబ్బిత‌బ్బిపోయింది. అంతేకాదు, ఈ విష‌యాన్ని సోష‌ల్ మీడియా ద్వారా తెలియ‌జేస్తూ.. `కంగ్రాట్స్ బ్యూటిఫుల్ లేడి. సాకీ బ్రాండ్ కోసం నువ్వు చాలా చేస్తున్నావు. నువ్వు పంపిన గిఫ్ట్ నాకు బాగా నచ్చింది` అని రష్మిక పోస్ట్ పెట్టింది.