ఇస్మార్ట్ శంకర్ మూవీతో సూపర్ క్రేజ్ సంపాదించుకున్న అందాల నిధి అగర్వాల్.. ప్రస్తుతం క్రిష్ జాగర్లమూడి తెరకెక్కిస్తున్న `హరి హర వీరమల్లు` లో పవర్ స్టార్ పవన్ కళ్యాణ్కి జోడీగా నటిస్తోంది. పీరియాడికల్ బ్యాక్డ్రాప్లో రూపుదిద్దుకుంటున్న ఈ మూవీలో నిధి `పంచమి` అనే యువరాణి పాత్రలో కనిపించబోతోంది.
అయితే తాజాగా ఓ ఇంటర్వ్యూలో పాల్గొన్న నిధి.. హరి హర వీరమల్లులో తన పాత్ర గురించి ఆసక్తికర వ్యాఖ్యలు చేసింది. ఆమె మాట్లాడుతూ.. `వీరమల్లు..లో నేను పంచమి అనే యువరాణిగా నటిస్తున్నా. నా కెరీర్లోనే ఎంతో వైవిధ్యభరితమైన పాత్ర ఇది. మరియు శారీరకంగా నాకెంతో కష్టంగా అనిపించింది. ఎందుకంటే, నా రోల్ కోసం ఒంటిపై చాలా బరువైన ఆభరణాలు ధరించాలి.
వాటిని క్యారీ చేస్తూ.. షూట్లో పాల్గొనడం ఎంతో ఇబ్బందిగా అనిపించేది. ఓ షాట్ అయిపోతే జాగ్రత్తగా ఓ దగ్గర కూర్చోవడమే తప్ప.. విశ్రాంతి తీసుకోవడానికి కూడా వీలుండేది కాదు. అయితే పంచమి పాత్ర కోసం పడిన కష్టమంతా నాకెంతో విలువైనదిగా అనిపించేది.` అంటూ చెప్పుకొచ్చింది. దాంతో నిధి కామెంట్స్ నెట్టింట వైరల్గా మారాయి.