ప్ర‌భాస్ `ఆదిపురుష్‌`లో హ‌నుమంతుడు అత‌డేన‌ట‌?!

రెబ‌ల్ స్టార్ ప్ర‌భాస్ ప్ర‌స్తుతం చేస్తున్న భారీ ప్రాజెక్ట్స్‌లో ఆదిపురుష్ ఒక‌టి. రామాయణం నేపథ్యంలో బాలీవుడ్ డైరెక్ట‌ర్ ఓం రౌత్ ఈ చిత్రాన్ని తెర‌కెక్కిస్తున్నాడు. ఈ చిత్రంలో ప్ర‌భాస్ రాముడుగా క‌నిపించ‌నుండ‌గా.. కృతి స‌న‌న్ సీత‌గా, బాలీవుడ్ హీరో సన్నీ సింగ్‌ లక్ష్మణుడిగా, సైఫ్ అలీ ఖాన్ రావ‌ణుడిగా న‌టిస్తున్నారు.

ఇక ఈ చిత్రంలో హ‌నుమంతుడు పాత్ర ఎవ‌రు చేస్తున్నార‌న్న‌ది ఇప్ప‌టి వ‌ర‌కు చిత్ర యూనిట్ ప్ర‌క‌టించ‌లేదు. అయితే తాజా స‌మాచారం ప్ర‌కారం.. హనుమంతుడి పాత్రలో మరాఠీ నటుడు దేవదత్ నాగేను తీసుకోనున్నారని ప్రచారం జరుగుతోంది.

Tanhaji - The Unsung Warrior Star Devdutta Nage Turns A Year Older; Happy  Birthday Boy

ఇప్ప‌టికే సంప్ర‌దింపులు కూడా పూర్తి అయ్యాయ‌ని.. త్వ‌ర‌లోనే దీనికి సంబంధించిన ప్రకటన కూడా రానుందని తెలుస్తోంది. కాగా, ఈ చిత్రాన్ని టీ సిరీస్ బ్యానర్‌పై భూషణ్ కుమార్, కృష్ణ కుమార్, ప్రసాద్ సుతార్, రాజేష్ నాయర్‌లు సంయుక్తంగా పాన్ ఇండియా లెవెల్‌లో తెర‌కెక్కిస్తున్న సంగ‌తి తెలిసిందే