మన తెలుగు చిత్ర పరిశ్రమకు ఫారిన్ టెక్నీషియన్స్ కొత్తేం కాదు. గతంలో వీఎఫ్ఎక్స్ సూపర్ వైజర్స్, స్టంట్ కోఆర్టినేటర్స్ ఫారిన్ నుండి వచ్చారు. ఇప్పుడు తాజాగా తెలుగు చిత్రాలకి అంతర్జాతీయ కెమెరా పనితనం తోడవుతోంది. పోలాండ్ కు చెందిన మీరోసలా క్యూబా బ్రోజెక్, స్పెయిన్ నుంచీ ఇండియాకొచ్చిన డాని శాంచెజ్ లోపెజ్ తెలుగులో రూపొందుతోన్న భారీ బడ్జెట్ సినిమాలకు పని చేస్తున్నారు. మీరోసలా నాని గ్యాంగ్ లీడర్ మూవీ ద్వారా ఎంట్రీ ఇచ్చాడు. ప్రస్తుతం పుష్ప చిత్రానికి తన అద్భుతమైన పనితనంతో అదనపు ఆకర్షణ ఇవ్వనున్నాడు.
ఇక మరో టాలెంటెడ్ మ్యాన్ డాని శాంచెజ్ లోపెజ్ మహానటి మూవీతో మహా గుర్తింపు పొందాడు. ఇంకా త్వరలో రాబోతోన్న రానా, సాయి పల్లవి విరాటపర్వం మూవీలో కూడా ఆయన సినిమాటోగ్రఫితోనే ఆసక్తి రేపనున్నాడు. ప్రభాస్, దీపిక జంటగా రూపందే నాగ్ అశ్విన్ టైమ్ ట్రావెల్ చిత్రానికి కూడా ఈయనే సినిమాటోగ్రఫర్మీ. రోసలా, డాని యూరోప్ లో పుట్టి పెరిగిన కూడా మన తెలుగు నేటివిటిని చక్కగా అర్థం చేసుకుని చిత్రీకరిస్తున్నారు.