టాలీవుడ్ ఇండస్ట్రీ తో పాటు ఇతర ఇండస్ట్రీలలో ఎక్కువ సక్సెస్ రేట్ ఉన్న బ్యానర్లలో హోంబలే బ్యానర్ ఒకటి. అయితే ఈ బ్యానర్ కు సక్సెస్ సులువుగా దక్కలేదు. కర్ణాటకకు చెందిన విజయ్ కిరగందూర్, చలువే గౌడ, కార్తీక్ గౌడాలకు సినిమాలపై ఎంతో ఆసక్తి ఉండడంతో 2013 వ సంవత్సరంలో ఈ బ్యానర్ ను స్థాపించడం జరిగింది.
తమ ఇలవేల్పు హోంబలమ్మ పేరును బ్యానర్ కు ఈ నిర్మాతలు పెట్టడం జరిగింది. ఇక అనంతరం వీరు స్థాపించిన సినిమాలు సక్సెస్ అవడంతో ఈ బ్యానర్ కు మంచి పేరు ప్రఖ్యాతలు దత్తాయి. ఇక తాజాగా సలార్ మూవీతో మరోసారి వీరి సత్తాని చాటుకున్నారు. ఇక ఓ ఇంటర్వ్యూలో పాల్గొన్న విజయ్ కిరగందూర్ మాట్లాడుతూ…” మేము ఏ కథనైనా ప్రేక్షకుల కోణంలో చూస్తాము.
వారికి నచ్చే విధంగా ఉంటేనే మేము ఆ సినిమాని నిర్మిస్తాము. మా సక్సెస్ కి కారణం ఇదే. వారు ఎక్కువగా ఆదరించే సినిమాలపై మేము ఎక్కువగా ఆసక్తి చూపిస్తాము. ఇక ఈ బ్యానర్ కు మా కుల దేవత పేరు పెట్టుకోవడం కూడా మాకు కలిసి వచ్చింది ” అంటూ చెప్పుకొచ్చారు. ప్రస్తుతం ఈయన కామెంట్స్ సోషల్ మీడియాలో వైరల్ అవుతున్నాయి.