టాలీవుడ్ లో తన‌కంటూ ప్రత్యేక గుర్తింపుని తెచ్చుకున్న హీరోల్లో శర్వానంద్ ఒకరు. ప్రస్తుతం టాలీవుడ్ లో వరుస అవకాశాలను అందుకుంటు నటిస్తున్న శర్వానంద్.. హిట్, ప్లాపులతో సంబంధం లేకుండా అన్ని వర్గాల ప్రేక్షకులను ఆకట్టుకుంటున్నాడు. ఇక శర్వానంద్ తాజాగా ఓ ఇంటివాడైన సంగతి తెలిసిందే. 38 ఏళ్ల వయసులో శర్వానంద్ బ్యాచిలర్ లైఫ్ కి గుడ్ బై చెప్పాడు. రక్షిత రెడ్డి అనే సాఫ్ట్వేర్ అమ్మాయిని శర్వానంద్ వివాహం చేసుకున్న సంగతి తెలిసిందే. ఈ జంట ఈ ఏడాది జూన్‌లో మూడుముళ్ల బంధంతో ఒకటయ్యారు. ఈ పెళ్లిని అంగరంగ వైభవంగా జరుపుకున్నారు. ఎంతోమంది సినీ సెలబ్రిటీలు, పొలిటికల్ నాయకులు కూడా ఈ పెళ్లిలో హాజరయ్యారు.
ఇక రక్షిత రెడ్డి హైదరాబాద్ అడ్వకేట్ కుమార్తె అన్న సంగతి తెలిసిందే. అలాగే ఆంధ్రప్రదేశ్ మాజీ మంత్రి బొజ్జల గోపాలకృష్ణారెడ్డి మనవరాలు కావడంతో వారికి పొలిటికల్ బ్యాక్ గ్రౌండ్ కూడా బాగా ఉంది. ఈ నేపథ్యంలో వీరిద్దరు వివాహం ఎంతో గ్రాండ్ గా జరిగింది. ఇక తాజాగా శర్వానంద్ ఫ్యామిలీ మరోసారి సంబరాల్లో మునిగి తేలుతున్నారంటూ న్యూస్ వైరల్ అవుతుంది. రక్షిత రెడ్డి దంపతులు తల్లిదండ్రులు కాబోతున్నట్లు సమాచారం. ఇక ప్రస్తుతం రక్షిత రెడ్డి – శర్వానంద్ కలిసి అమెరికాలో ఉంటూ షూటింగ్ టైంలో ఇండియాకి వచ్చి వెళ్తున్నారు.
రక్షిత అమెరికాలో ఉద్యోగం చేస్తున్న కారణంగా వారు అమెరికాలోనే ఉంటున్నారు. సినిమా షూటింగ్స్ సమయంలో మాత్రమే శర్వానంద్ ఇండియాకి వస్తున్నాడు. ఇక పెళ్లయిన ఐదు నెలల్లోనే ఈ జంట ఫ్యాన్స్ కి గుడ్ న్యూస్ చెప్పబోతున్నారట. వీరిద్దరూ త్వరలోనే తల్లిదండ్రులు కాబోతున్నారంటూ న్యూస్ వైరల్ అవుతుంది. ఇక రక్షిత రెడ్డి డెలివరీ కూడా యూఎస్ లోనే ఉండబోతుందట. అయితే దీనిపై అధికారిక ప్రకటన రాలేదు. ప్రస్తుతం శర్వానంద్ – శ్రీరామ్ ఆదిత్య డైరెక్షన్లో ఓ సినిమాలో నటిస్తున్నాడు.