చందమామ సినిమాతో టాలీవుడ్ లో అడుగు పెట్టింది కాజల్ అగర్వాల్. తర్వాత పలు సినిమాలో నటించిన రామ్ చరణ్ హీరోగా నటించిన మగధీర సినిమాతో టాలీవుడ్ ప్రేక్షకులకు దగ్గర అయింది. ఆ తర్వాత స్టార్ హీరోలు అందరు సరసన నటించిన కాజల్ ఎన్నో హిట్ మూవీల‌ను తన ఖాతాలో వేసుకుంది. 2020లో తన ప్రియుడు గౌతమ్ కిచ్లును వివాహం చేసుకుంది. తర్వాత కొడుకు (నీల్ కిచ్లు) పుట్టడంతో కొంతకాలం సినిమాలకు బ్రేక్ ఇచ్చిన ఈ ముద్దుగుమ్మ.. మళ్లీ తాజాగా రీఎంట్రీ తో బాలకృష్ణ సరసన భగవంత్‌ కేసరిలో నటించింది.
దసరా కానుకగా థియేటర్లో రిలీజ్ అయిన ఈ సినిమా బాక్సాఫీస్ వద్ద పాజిటివ్ టాక్ ను దక్కించుకుంది. అనిల్ రావిపూడి డైరెక్షన్లో రూపొందిన ఈ సినిమాలో పెళ్లి సందడి ఫేమ్ శ్రీ లీల కీలక పాత్రలో నటించింది. ఇక ప్రస్తుతం రియంట్రీ తో వరుస సినిమాల్లో బిజీగా ఉన్న కాజల్ కొత్త ఇంటిని కొనుగోలు చేసింది. భర్త, కుమారుడితో కలిసి గృహప్రవేశం చేసిన ఈ బ్యూటీ దానికి సంబంధించిన పిక్స్ ను తన ఇంస్టాగ్రామ్ వేదికగా షేర్ చేసుకుంది. ప్రస్తుతం ఈ పిక్స్ సోషల్ మీడియాలో వైరల్ గా మారాయి. కాజల్ తన ఇన్స్టాలో స్టోరీ రాస్తూ నేను ఈ విషయాన్ని చాలా భావోద్వేగాలతో మీతో షేర్ చేసుకుంటున్నా.
మా పవిత్రమైన ఫ్యామిలీ కోసం ఈ వారంలోనే గృహప్రవేశానికి సంబంధించిన పూజ జరిగింది. ఈ ఇల్లు మేము ఎంతో ఇష్టంగా కట్టుకున్నాం. ఇది నేను ఆ దేవుడి ఆశీర్వాదంగా భావిస్తున్నా. ఈ గుడ్ టైం లో మా హృదయాలు కృతజ్ఞతలతో నిండిపోయాయి అంటూ పోస్ట్ చేసింది. ఈ విషయం తెలుసుకున్న పలువురు సినీ తారలతో పాటు ఫ్యాన్స్ కూడా కాజల్‌కు అభినందనలు తెలియజేస్తున్నారు. ఈ పిక్స్ వైరల్ కావ‌టంతో నీల్ కిచులు ఎంతో క్యూట్ గా ఉన్నాడు అంటూ.. బాబుకి దిష్టి తగులుతుంది కాజల్.. అంటూ కామెంట్స్ చేస్తున్నారు ఫ్యాన్స్.
View this post on Instagram