టాలీవుడ్ స్టార్ హీరోల సినిమాలు ఒకేసారి బాక్స్ ఆఫీస్ వార్‌లో దిగితే థియేటర్ల దగ్గర ఉండే సందడి మరో లెవల్లో ఉంటుంది. అయితే ఇప్పుడు రీ రిలీజ్ సినిమాలు కూడా బాక్సాఫీస్ వార్‌లో పోటీ పడుతున్నాయి. ప్రస్తుతం ఈ వారంలో ఏకంగా ముగ్గురు అగ్ర హీరోల సినిమాలో రీ రిలీజ్ అవటం మరో విశేషం.. ప్రేక్షకులు ఎన్నిసార్లు చూసినా బోర్ కొట్టని సినిమాల్లో మన్మధుడు కూడా ఒకటి.. అక్కినేని నాగార్జున హీరోగా విజయభాస్కర్ దర్శకత్వంలో వచ్చిన ఈ సినిమాకి ప్రస్తుత స్టార్ డైరెక్టర్ త్రివిక్రమ్ మాటలు అందించారు.
2002 డిసెంబర్లో ప్రేక్షకుల ముందుకు వచ్చిన ఈ సినిమా 20 ఏళ్ల తర్వాత కూడా ఇప్పటికీ ప్రేక్షకులు టీవీలో, ఓటిటిలో ఎంతో ఇష్టంగా చూస్తూ ఉంటారు. ఈ సినిమాలో వచ్చే లవ్ సీన్స్, కామెడీ సీన్స్, మ్యూజిక్ ప్రేక్షకులను ఎంతగానో ఆకట్టుకున్నాయి. ఇప్పుడు ఈ సినిమా ఆగస్టు 29 అనగా ఈరోజు నాగార్జున పుట్టినరోజు సందర్భంగా ప్రేక్షకులు ముందుకు రానుంది. అలాగే నట‌సింహం నందమూరి బాలకృష్ణ నటించిన సినిమాలలో ఎవర్గ్రీన్ క్లాసికల్ హిట్ సినిమాల్లో భైరవద్వీపం కూడా ఒకటి.
సీనియర్ ద‌ర్శ‌కుడు సింగీతం శ్రీనివాసరావు దర్శకత్వంలో వచ్చిన ఈ జానపద చిత్రంలో రోజా హీరోయిన్ గా నటించింది. 1994 ఏప్రిల్ 14న ప్రేక్షకుల ముందుకు వచ్చిన ఈ సినిమా వారికి కొత్త అనుభూతిని పంచి ఎంతో అమితంగా ఆకట్టుకుంది. అలాగే ఈ సినిమాలో బాలయ్య కురుపిగా నటించాడు. ఇప్పుడు ఈ సినిమా 29 ఏళ్ల తర్వాత ఇప్పుడు ఈ క్లాసికల్ మూవీ మరోసారి ప్రేక్షకుల ముందుకు రానుంది. హీరోగా బాలకృష్ణ 50వ వసంతంలోకి అడుగుపెడుతున్న సందర్భంగా ఆగస్టు 30న ఈ సినిమాని రీ రిలీజ్ చేస్తున్నారు.
అలాగే పవన్ కళ్యాణ్- మీరా జాస్మిన్ జంటగా నటించిన గుడుంబా శంకర్ సినిమాను అంజనా ప్రొడక్షన్స్ బ్యానర్ పై నాగబాబు నిర్మించిన ఈ సినిమాకి వీరశంకర్ దర్శకత్వహించారు. 2004 సెప్టెంబర్ 10న విడుదలైన ఈ చిత్రం బాక్స్ ఆఫీస్ వద్ద ప్లాప్ సినిమాగా మిగిలింది. పవన్ కళ్యాణ్ మ్యానరిజమ్స్, కామెడీ సీన్స్ మణిశర్మ మ్యూజిక్ ఫ్యాన్స్‌నీ బాగా అలరించాయి. ఇప్పుడు 19 సంవత్సరాలు తర్వాత మరోసారి ఈ సినిమాని రీరిలీజ్ చేస్తున్నారు. పవన్ కళ్యాణ్ పుట్టినరోజు కానుకగా సెప్టెంబర్ 2న ఈ సినిమా రీరిలీజ్ కానుంది. ఈ విధంగా ఒకే వారంలో ముగ్గురు స్టార్ హీరోల సినిమాలు రీరిలీజ్ అవుతున్నయి. మరి వీటిలో ఏ సినిమా వసూళ్ల పరంగా పై చేయి సాధిస్తుందో చూడాలి.