గత ఎన్నికల్లో వైసీపీ నాలుగు జిల్లాల్లో క్లీన్ స్వీప్ చేసిన విషయం తెలిసిందే. ఉమ్మడి విజయనగరం, నెల్లూరు, కడప, కర్నూలు జిల్లాల్లో స్వీప్ చేసింది. అయితే గత ఎన్నికల్లో వైసీపీ వేవ్ ఎక్కువగా ఉంది..అందుకే స్వీప్ చేసేసింది..మరి ఈ సారి అదే పరిస్తితి ఉంటుందా? అంటే చెప్పలేం. ఎందుకంటే ఇప్పుడు వైసీపీపై వ్యతిరేకత కనిపిస్తుంది..అటు టి‌డి‌పి బలపడుతుంది. అదే సమయంలో జనసేనతో కలిస్తే వైసీపీకి రిస్క్ ఎక్కువ.
ఇంకా చెప్పాలంటే టి‌డి‌పి-జనసేన గాని కలిస్తే కొన్ని కొత్త జిల్లాల్లో స్వీప్ చేసే అవకాశాలు పుష్కలంగా ఉన్నాయి. అలా స్వీప్ చేయడానికి ఛాన్స్ ఉన్న కొత్త జిల్లా వచ్చి కోనసీమ..అమలాపురం పార్లమెంట్ పరిధి. కొత్తగా ఏర్పడిన ఈ జిల్లాలో వైసీపీకి బలం తగ్గుతూ ఉంది. గత ఎన్నికల్లో ఈ జిల్లాలో ఉన్న 7 స్థానాల్లో వైసీపీ 5 గెలుచుకుంది. రామచంద్రాపురం, ముమ్మిడివరం, అమలాపురం, పి.గన్నవరం, కొత్తపేట స్థానాలని వైసీపీ గెలుచుకోగా, మండపేట టి‌డి‌పి, రాజోలు జనసేన గెలుచుకున్నాయి. రాజోలులో గెలిచిన జనసేన ఎమ్మెల్యే..తర్వాత వైసీపీ వైపుకు వెళ్లారు.
ఇలా కోనసీమలో వైసీపీ హవా నడుస్తుంది..కానీ ఈ సారి ఎన్నికల్లో వైసీపీ హవా నడిచేలా లేదు. ఇప్పటికే కొంతమంది ఎమ్మెల్యేలపై వ్యతిరేకత ఉంది. అటు టి‌డి‌పితో పాటు జనసేన కూడా బలపడుతుంది. కాకపోతే ఈ రెండు పార్టీలు విడిగా పోటీ చేస్తే మాత్రం వైసీపీకి కాస్త బెనిఫిట్ ఉంటుంది. అలా కాకుండా రెండు పార్టీలు కలిసి పోటీ చేస్తే మాత్రం కొనసీమలో స్వీప్ చేసే అవకాశాలు పుష్కలంగా ఉన్నాయి.