జయసుధ ను మొదలుకొని నేటితరం కొత్త హీరోయిన్ల వరకు అందరూ కూడా తమ ఉనికిని చాటుకోవాలి అంటే ఏదో ఒక ప్రయత్నం చేస్తూ ఉంటారు. అందులో భాగంగానే పేర్లను మార్చుకున్న హీరోయిన్లు కూడా ఉన్నారని చెప్పడంలో సందేహం లేదు. అయితే దర్శక నిర్మాతలు లేదా హీరోలు కొంతమంది హీరోయిన్లకు పేరు మారిస్తే.. మరికొంతమంది వారే జాతకరీత్యా , న్యూమరాలజీ ప్రకారం పేర్లను మార్చుకొని ఇండస్ట్రీలోకి అడుగు పెట్టిన వారు ఉన్నారు. మరికొంతమంది అప్పటికే అదే పేరుతో ఇండస్ట్రీలో ఒక హీరోయిన్ కొనసాగుతుంటే.. మరొకరికి పేరును మార్చడం జరుగుతూ ఉంటుంది . ఇక అలా ఇప్పటికే ఎంతో మంది హీరోయిన్లు ఇండస్ట్రీకి వచ్చిన తర్వాత తమ పేర్లను మార్చుకోవడం జరిగింది. ఇక ఆ సెలబ్రిటీల గురించి చదివి తెలుసుకుందాం..
జయసుధ:సహజనటిగా గుర్తింపు పొందిన ప్రముఖ స్టార్ హీరోయిన్ సుహాసిని ఎంతోమంది స్టార్ హీరోల సరసన నటించి మెప్పించింది. ప్రస్తుతం క్యారెక్టర్ ఆర్టిస్ట్ గా తన సెకండ్ ఇన్నింగ్స్ ని మొదలుపెట్టిన ఈమె అసలు పేరు సుజాత. ఇండస్ట్రీలోకి అడుగుపెట్టిన తర్వాత దర్శకుడు దాసరి నారాయణరావు తన పేరును జయసుధ గా మార్చారు. ఇక అలా ఆరోజు నుంచి జయసుధ సినీ రంగంలో తన నటనతో అందచందాలతో సహజ నటిగా గుర్తింపు సంపాదించుకున్నారు.
జయప్రద:తన అందంతో సినీ లోకాన్ని మత్తెక్కించిన ఈ ముద్దుగుమ్మ.. స్టార్ హీరోయిన్ మాత్రమే కాదు రాజకీయ నాయకురాలు కూడా .. ఇక ఈమె ఇండస్ట్రీలోకి రాకముందు ఈమె పేరు లలితా రాణి.. కానీ ఇండస్ట్రీలోకి వచ్చిన తర్వాత తన పేరును జయప్రదగా మార్చుకున్నారు.
సౌందర్య:ప్రముఖ స్టార్ హీరోయిన్ సౌందర్య అసలు పేరు సౌమ్య.. ఇక కర్ణాటక రాష్ట్రానికి చెందిన ఈమె తెలుగింటి ఆడపడుచుల తెలుగు ప్రజలతో మమేకమైంది. ఇప్పటికి కూడా తెలుగు ప్రజలు ఈమెను అభిమాన నటిగా ఆరాధిస్తారు. ఇక ఈమె నటనకు ఎవరైనా సరే ఫిదా అవ్వాల్సిందే. సహజత్వంతో ఉట్టిపడే ఈమె అందానికి ఎంతోమంది మంత్రముగ్ధులయ్యారు.
ఆర్కే రోజా:సినిమాలలోనే కాదు రాజకీయాల్లో కూడా ఫైర్ బ్రాండ్ గా గుర్తింపు తెచ్చుకున్న రోజా అసలు పేరు శ్రీలతా రెడ్డి. ఇండస్ట్రీలోకి వచ్చిన తర్వాత ఈమె పేరు అంత అట్రాక్టివ్ గా లేదని సీనియర్ నటుడు అలాగే రాజకీయ నాయకుడు శివప్రసాద్ ఈమె పేరును మార్చారు.
అనుష్క శెట్టి:టాప్ హీరోయిన్గా గుర్తింపు తెచ్చుకున్న అనుష్క శెట్టి అసలు పేరు స్వీటీ శెట్టి. కానీ సూపర్ సినిమా షూటింగ్ సమయంలో నాగార్జున తనకు అనుష్క అని పేరు పెట్టారు.
రంభ:రంభ నిజంగానే దేవదూత రంభలా ఉంటుందని చెప్పవచ్చు. తన అంద చందాలతో ఇతర రాష్ట్రాలలో కూడా బాగా పాపులారిటీని సంపాదించుకున్న ఈ ముద్దుగుమ్మ అసలు పేరు విజయలక్ష్మి. రాఘవేంద్రరావు ఈమె పేరును రంభగా మార్చారు.
ఇక వీరితోపాటు మరి ఎంతోమంది స్టార్ హీరోయిన్లు తమ పేర్లను మార్చుకోవడం జరిగింది.