చిరంజీవి ఎంతో ప్రెస్టేజ్ సినిమాగా వస్తున్న గాడ్ ఫాదర్ సినిమా నుండి ఈరోజు ‘తార్ మార్ టక్కర్ మార్’ మొదటి సింగిల్‌ని విడుదల చేశారు. ఈ సినిమా మలయాళంలో ఘనవిజయం సాధించిన లూసిఫర్ సినిమ‌ని తెలుగులో మెగాస్టార్ చిరంజీవి అధికారికంగా రీమేక్ చేసిన సంగతి తెలిసిందే. గాడ్ ఫాదర్ అనే టైటిల్ తో తెలుగులో తెర‌కెక్కింది. ఈ సినిమ‌కు మోహన్ రాజా దర్శకత్వం వహించ‌రు. ఈ చిత్రాన్ని కొణిదెల ప్రొడక్షన్ కంపెనీతో కలిసి సూపర్ గుడ్ ఫిల్మ్స్ నిర్మించింది. ఈ సినిమాలో చిరంజీవితో కలిసి బాలీవుడ్ మెగాస్టార్ సల్మాన్ ఖాన్ ఈ సినిమాలో ఒక ముఖ్యమైన పాత్రను పోషించాడు అన్న విష‌యం అంద‌రికి తెలిసిందే. ఈ సినిమాలో ఒక స్పెషల్ సాంగ్ కోసం ఇద్దరు మెగాస్టార్లు కలిసి డ్యాన్స్ చేయబోతున్నారు. ఆ స్పెషల్ సాంగ్‌కి తార్ మార్ టక్కర్ మార్ అని పేరు పెట్టారు మరియు దీనిని మేకర్స్ అధికారికంగా ఈ రోజు విడుదల చేశారు.
గాడ్ ఫాదర్ సినిమాలో నయనతార, మరియు సత్యదేవ్ ఇతరలు ప్రధాన పాత్రల్లో నటిస్తున్నారు. పీవీఆర్ పిక్చర్స్ ఈ చిత్రాన్ని విడుదల చేస్తోంది. నీరవ్ షా సినిమాటోగ్రాఫర్, మార్తాండ్ కె వెంకటేష్ ఎడిటర్ గా వ‌ర్క్ చేసిన ఈ గాడ్ ఫాదర్ సినిమా అక్టోబర్ 5న తెలుగు, హిందీ భాషల్లో విడుదల కానుంది.