తమిళ హీరో సూర్య గురించి, ఆయనకు ఉన్న ఫాలోయింగ్ గురించి ప్రత్యేకంగా చెప్పాల్సిన పని లేదు. ఇతనికి తెలుగులో విపరీతమైన క్రేజ్ ఉంది. ఇటీవల ఆయన నటించిన సూరరై పోట్రు సినిమా తెలుగులో ఆకాశం నీ హద్దురా పేరుతో రిలీజ్ అయ్యే మంచి విజయాన్ని సాధించింది. అయితే కరోనా కారణంగా ఈ సినిమాను థియేటర్లలో కాకుండా ఓటీటీ లో విడుదల చేశారు. అందుకే ఆయన నటించిన సినిమాలు అన్నీ కూడా తెలుగులో డబ్ అవుతూ వస్తున్నాయి.
హీరో తాజాగా నటించిన మొదటి సినిమా జై భీమ్. ఈ సినిమా కూడా ఓటీటీ లోనే విడుదల కానుంది.ఈ సినిమాలో సూర్య లాయర్ పాత్రలో నటిస్తున్నాడు. ఈ సినిమా నవంబర్ 2వ తేదీ అమెజాన్ ప్రైమ్ లో అందుబాటులోకి రానుంది. ఈ సందర్భంగా ప్రైమ్ వీడియో అధికారికంగా ఒక ప్రకటనను వెలువరించింది. కాగా జై భీమ్ చిత్రానికి టీజే జ్ఞానవేల్ దర్శకత్వం వహించారు. ఈ సినిమాలో ప్రకాష్ రాజ్, రావు రమేష్, లిజొమోల్ జోస్, రాజీశ విజయన్, మణికందన్ ముఖ్య పాత్రల్లో నటించారు.