పాయల్ రాజ్ పుత్.. ఈ పేరుకు పరిచయాలు అవసరం లేదు. `ఆర్ఎక్స్ 100` సినిమాతో తెలుగు ఇండస్ట్రీలోకి అడుగు పెట్టిన ఈ భామ.. మొదటి సినిమాతోనే బ్లాక్ బస్టర్ హిట్ అందుకుని బోల్డ్ బ్యూటీ సూపర్ క్రేజ్ సంపాదించుకుంది. ఈ మూవీతో తర్వాత వరుస సినిమాలు చేస్తూ వస్తున్న పాయల్.. ప్రస్తుతం గోవాలో యంగ్ హీరోతో ఫుల్గా రొమాన్స్ చేస్తోంది.
అయితే ఇది రియల్ కాదండోయ్.. రీలే. పూర్తి వివరాల్లోకి వెళ్తే..టాలీవుడ్ యంగ్ హీరో ఆది సాయి కుమార్, పాయల్ జంటగా నటిస్తున్న తాజా చిత్రం `తీస్ మార్ ఖాన్`. కళ్యాణ్ జి గోగణ దర్శకత్వం వహిస్తున్న ఈ చిత్రం హై యాక్షన్ వోల్టేజ్ చిత్రంగా రూపుదిద్దుకుంటోంది. అలాగూ విజన్ సినిమాస్ బ్యానర్పై నాగం తిరుపతి రెడ్డి ఈ చిత్రాన్ని ప్రతిష్టాత్మకంగా నిర్మిస్తున్నారు.
అయితే ఈ సినిమా షూటింగ్ గోవాలో జరుగుతుంది. ప్రస్తుతం పాయల్, ఆదిలపై ఓ రొమాంటిక్ సాంగ్ను చిత్రీకరిస్తున్నారు. ఆది సాయికుమార్ డాన్స్, పాయల్ రాజ్ పుత్ గ్లామర్ ఈ పాటకు ప్రధాన ఆకర్షణ కాగా సినిమా మొత్తానికి ఈ పాట హైలైట్ గా నిలవనుందట. ఇక తాజాగా ఈ సాంగ్కు సంబంధించిన కొన్ని పిక్స్ బయటకు వచ్చి నెట్టింట వైరల్గా మారాయి.