స్టార్ హీరో బాలకృష్ణ తాజాగా ఆహా ఓటీటీలో అన్ స్టాపబుల్ టాక్ షోకు హోస్ట్ గా చేయడానికి గ్రీన్ సిగ్నల్ ఇచ్చారు. వెండితెరపై సినిమాల ద్వారా ఎన్నో సంచలనాలు సృష్టించిన బాలకృష్ణ , స్మాల్ స్క్రీన్ పై అద్భుతాలు చేయడానికి సిద్ధమవుతున్నారు.అయితే ఈ షో ప్రారంభ కార్యక్రమానికి బాలకృష్ణ లగ్జరీ కారులో వచ్చారు. ఖరీదైన బెంట్లీ కారులో బాలయ్య ఈ షో ఈవెంట్ కు రాగా బాలయ్య వచ్చిన లగ్జరీ కారు గురించి ఇండస్ట్రీ వర్గాల్లో చర్చ జరుగుతోంది.
ఇక బాలకృష్ణ పెద్ద కూతురు నారా బ్రాహ్మణి ఈ కారును బాలయ్యకు బహుమతిగా ఇచ్చినట్టు సమాచారం.ఈ కారు విలువ అక్షరాలా 4 కోట్ల రూపాయలు అని సమాచారం. అన్ స్టాపబుల్ టాక్ షో 12 ఎపిసోడ్లుగా ప్రసారం కానుందని తెలుస్తోంది.ప్రముఖ దర్శకుడు ప్రశాంత్ వర్మ ఈ టాక్ షోకు డైరెక్టర్ గా వ్యవహరిస్తున్నారు. ఇప్పటికే ఈ షోకు సంబంధించి కొన్ని ఎపిసోడ్ల షూటింగ్ కూడా జరిగిందని సమాచారం. బాలయ్య ఈ షో కోసం భారీస్థాయిలో అంటే ఒక్కో ఎపిసోడ్ కు 40 లక్షల రూపాయలు రెమ్యునరేషన్ తీసుకుంటున్నారని తెలుస్తోంది. ఇకపోతే ఈ టాక్ షో దీపావళి సందర్భంగా నవంబర్ 4వ తేదీ నుంచి స్టార్ట్ కాబోతోంది.