బాలీవుడ్ లో మిస్టర్ పర్ఫెక్ట్ నటుడిగా పేరు తెచ్చుకున్నాడు అమీర్ ఖాన్ . తన భార్య కిరణ్ రావుతో విడాకులు తీసుకున్నట్లు అధికారిక ప్రకటన విడుదల చేశాడు. అమీర్ ఖాన్, కిరణ్ రావుకి వివాహం జరిగి 15 సంవత్సరాలు అయింది. ఈ జంటకు కుమారుడు ఆజాద్ రావు ఖాన్ ఉన్నాడు. అమీర్ కిరణ్ సంయుక్తంగా చేసిన ప్రకటన మేరకు ఈ 15 సంవత్సరాల్లో మేము జీవితకాల అనుభవాలు, ఆనందం అలాగే అనేక విషయాలను పంచుకున్నామని తెలిపారు. మా సంబంధం నమ్మకం, గౌరవం మరియు ప్రేమలో మాత్రమే పెరిగిందని ఈ దంపతులు పేర్కొన్నారు.
ఇప్పుడు మేము మా జీవితంలో ఒక కొత్త అధ్యాయాన్ని ప్రారంభించాలనుకుంటున్నామని, ఇకపై భార్యాభర్తలుగా కాకుండా, ఒకరికొకరు సహ తల్లిదండ్రులుగా ఉండాలని కోరుకుంటున్నట్లు తెలిపారు. తమ శ్రేయోభిలాషులు, అభిమానలుఉ ఈ విడాకులను ముగింపుగా కాకుండా కొత్త ప్రయాణానికి ఆరంభంగా చూస్తారని ఆశిస్తున్నట్టు ప్రకటించారు. వీరి విడాకుల ప్రకటనతో పలువురు అభిమానలు షాక్ కు గురయ్యారు.