నటి రేణూ దేశాయ్‌ కు చేదు అనుభవం ఎదురైంది. రేణూ బ్యాంకింగ్‌ వ్యవహారాలపై ఒక విషయాన్ని ఇన్‌స్టాలో షేర్ చేశారు. రేణూ దేశాయ్‌ షేర్ చేసిన ఈ విషయాల ప్రకారం..ఆమె ఇండస్‌ఇండ్ బ్యాంకు మొబైల్ యాప్‌లోకి లాగిన్ అయినప్పుడు, అది వేరొకరి ఖాతాలోకి లాగిన్ అయ్యిందని తెలిపారు. అంతేకాకుండా ఆ ఖాతాలోని పూర్తి వివరాలను కూడా వారు చూడగలిగారు. దీంతో తాను షాక్ అయ్యానంటూ ఇన్‌స్టాలో రేణూ వివరాలను షేర్ చేశారు.
హెల్ప్‌లైన్ నంబర్‌కు ఫోన్ చేసినా వారు సీరియస్‌గా తీసుకోలేదంటూ కామెంట్ చేశారు. దీనికి సంబంధించిన స్క్రీన్ షాట్ తీసుకున్న వెంటనే ఈ ఖాతా నుండి లాగ్ అవుట్ అయ్యానంటూ వివరించారు. కస్టమర్లకు ఆ బ్యాంకు ఇస్తున్న భద్రతపై ఆందోళన వ్యక్తం చేసిన ఆమె తన అకౌంట్‌ను సోమవారం క్లోజ్‌ చేయబోతున్నట్టు కూడా వెల్లడించారు. దీంతో బ్యాంకింగ్‌ లావాదేవీలు, భద్రతా లోపాలపై విమర్శలు గుప్పిస్తూ కొంతమంది నెటిజన్లు కామెంట్లు చేస్తున్నారు.