ఒకే ఒక్క సినిమాతో పది సినిమాలకు వచ్చే క్రేజ్ ను సంపాదించుకుంది ఉప్పెన సినిమా హీరోయిన్ కృతిశెట్టి. ఆమె అందానికి, నటనకు తెలుగు సినీ ప్రేక్షకులతో పాటు సినీ ప్రముఖులు కూడా ఫిదా అయ్యారు. ఉప్పెన బిగ్ హిట్ అవ్వడం, కృతిశెట్టికి మంచి పేరు రావడంతో ఇప్పుడు ఆమెకు వరుసగా సినిమా ఆఫర్లు వస్తున్నాయి. కృతి శెట్టి డేట్స్ కోసం ప్రొడ్యూసర్లు, డైరెక్టర్లు పోటీ పడుతున్నారు.
ఈ యంగ్ బ్యూటిఫుల్ హీరోయిన్ ఒకేసారి నాలుగు సినిమాలకు ఒకే చెప్పిందట. ఇంత అందమైన ఈ ముద్దుగుమ్మకు మగాళ్లలో ఓ విషయం అస్సలు నచ్చదట. ఆ విషయం గురించి ఆమె ఓ ఇంటర్వ్యూలో తెలిపింది. అబద్దం చెప్పే మగాళ్లంటే తనకు నచ్చరని కృతిశెట్టి తెలిపింది. ఉన్నది ఉన్నట్టు నిజాయితీగా మొహం మీద చెప్పేవారే తనకు ఇష్టమట. ఏ విషయమైనా ఎలాంటి మొహమాటం లేకుండా తన ముఖం మీదే చెప్పేంత ధైర్యం ఉండాలట. ఈ సుందరి ఇప్పుడు నానితో శ్యామ్ సింగరాయ్ సినిమా చేస్తోంది. ఆ సినిమాతో పాటు పలు సినిమాలకు ఓకే చెప్పింది.