ఏపీలో ఒక దారుణ ఘటన చోటు చేసుకుంది. ఓ బాలికను మాయ మాటలతో నమ్మించి, లోబరుచుకుని గర్భవతిని చేసిన కేసులో టిక్టాక్ స్టార్ భార్గవ్ ను దిశ పోలీసులు అరెస్ట్ చేశారు. పోక్సో చట్టం కింద కేసు నమోదు చేసి పోలీసులు అరెస్ట్ చేసారు. పోలీసులు అతన్ని కోర్టులో హాజరు పరచగా న్యాయమూర్తి వచ్చే నెల మూడో తేదీ వరకు భార్గవకి రిమాండ్ విధించారు.
అసలు వివరాల్లోకి వెళితే, హైదరాబాద్ కు చెందిన భార్గవ్ ఫన్ బాస్కెట్ పేరుతో టిక్ టాక్ వీడియోలు చేస్తుంటాడు. టిక్ టాక్ నిషేధించడంతో మోజో, రేపోసో వంటి యాప్ లలో ప్రస్తుతం వీడియోలు చేస్తున్నభార్గవ్కు పెందుర్తి కి చెందిన ఓ బాలిక పరిచయం అయింది. ఆమెకు మాయ మాటలు చెప్పి శారీరకంగా లోబరుచుకున్నాడు భార్గవ్. ఆమె గర్భవతి కావడంతో దూరం పెట్టాడు భార్గవ్. దీంతో విశాఖ దిశ పోలీసులను ఆశ్రయించింది బాలిక. బాలిక ఫిర్యాదు మేరకు భార్గవ్ ను పోలీసులు అరెస్ట్ చేశారు.