కింగ్ నాగార్జున తాజా చిత్రం `వైల్డ్ డాగ్`. అహిషోర్ సాల్మోన్ ద‌ర్శక‌త్వంలో తెరకెక్కిన ఈ సినిమా భారీ అంచ‌నాల న‌డుము ఏప్రిల్ 2న(ఈ రోజు) విడుద‌ల కానుంది. దీంతో ఇప్ప‌టికే చిత్ర యూనిట్ జోరుగా ప్ర‌మోష‌న్స్ నిర్వ‌హించింది. అయితే ఎంత సీనియ‌ర్ హీరో అయిన‌ప్ప‌టికీ.. సినిమా విడుద‌ల‌కు ముందు టెన్ష‌న్ ప‌డ‌టం చాలా కామ‌న్‌.
నాగార్జున కూడా అదే టెన్ష‌న్‌లో ఉన్నార‌ట. అయితే ఆ టెన్ష‌న్ నుంచి రిలీఫ్ పొందేందుకు నాగార్జున త‌న మిత్రుడు, మెగాస్టార్ చిరంజీవి ఇంటికి వెళ్లాడు. ఇక అతిథిగా వచ్చిన నాగార్జునకు చిరు అదిరిపోయే గిఫ్ట్ ఇచ్చాడు. స్వయంగా త‌న చేతుల‌తోనే వంట చేసి.. నాగ్‌కు క‌మ్మ‌ని విందు ఏర్పాటు చేశాడు.
ఈ విష‌యాన్ని సోష‌ల్ మీడియా వేదిక‌గా నాగార్జున అభిమానుల‌తో పంచుకున్నాడు.రేపు వైల్డ్ డాగ్ రిలీజ్ కానుండడంతో కొంచెం ఒత్తిడిలో ఉన్నానని, అయితే ఆ ఒత్తిడిని తొలగించేందుకు మెగాస్టార్ స్వయంగా త‌న కోసం గరిటె పట్టుకుని వంట చేశారని, రుచికరమైన విందు భోజనం వడ్డించారని నాగ్ వివరించారు. దీనికి సంబంధించిన ఫొటోను కూడా నాగ్ పంచుకున్నారు. ప్ర‌స్తుతం ఈ ఫొటో వైర‌ల్‌గా మారింది.
