నిత్య మీనన్.. ఈ పేరుకు పరిచయాలు అవసరం లేదు. `అలా మొదలైంది` సినిమాతో తెలుగు ఇండస్ట్రీలోకి అడుగు పెట్టిన నిత్య.. తన సహజమైన నటనతో ప్రేక్షకులకు బాగా చేరువైంది. ఇక ఈ బ్యూటీ కేవలం తెలుగులోనే కాకుండా మలయాళం, తమిళం, కన్నడ చిత్రాల్లో కూడా నటించిందింది.
ఆ మధ్య వరసగా సినిమాలు చేసిన నిత్యా.. ఇప్పుడు జోరు తగ్గించింది. అడపాదడపా అవకాశాలతో కెరీర్ సాగిస్తుంది. ఇదిలా ఉంటే.. సోషల్ మీడియాలో యాక్టివ్గా ఉండే నిత్య మీనన్ ఎప్పటికప్పుడు తనకు సంబంధించిన ఫొటోలను అభిమానులతో పంచుకుంటుంది.
అయితే తాజాగా పెళ్లి కూతురు గెటప్లో దర్శనం ఇచ్చి అభిమానులకు షాక్ ఇచ్చింది నిత్య మీనన్. పెళ్లికూతురు గెటప్లో మెరిసిపోతున్న నిత్య మీనన్ను చూసి..ఈ భామ త్వరలోనే పెళ్లి చేసుకోబోతుందా? అందుకే ఈ గెటప్ లో ఫోటో షూట్ చేయించిందా అంటూ కామెంట్లు పెడుతున్నారు. మొత్తానికి నిత్య ఫొటోలు మాత్రం వైరల్గా మారాయి.