మాస్ హీరో రవితేజ గత సంవత్సరం ధమాకా చిత్రంతో మంచి బ్లాక్ బస్టర్ విజయాన్ని అందుకున్నారు. ధమాకా సినిమా తర్వాత రవితేజ నుండి వస్తున్న చిత్రం రావణాసుర. ఈ చిత్రం ఏప్రిల్ 7వ తేదీన సమ్మర్లో విడుదల చేయబోతున్నారు. ఈ సినిమాలో రవితేజ లాయర్ గా కనిపించబోతున్నట్లు తెలుస్తోంది.ఇప్పటికి విడుదలైన ఈ సినిమా గ్లింప్స్ రవితేజ పాత్ర విషయంలో సస్పెన్స్ నెలకొన్నట్లుగా తెలుస్తోంది. తాజాగా టీజర్ ను ప్రేక్షకుల ముందుకు చిత్ర బృందం విడుదల చేయడం జరిగింది.
రావణాసుర టైటిల్ కు తగ్గట్టుగానే రవితేజ నిజంగానే ఇందులో నెగటివ్ షేడ్స్ ఉన్న పాత్రలలో కనిపించబోతున్నారు. ధమాకా సినిమా తో ఎంటర్టైన్ ఇచ్చిన రవితేజ ఈసారి సరికొత్త పాత్రలతో త్రిల్ ఇవ్వబోతున్నట్లు ఈ టీజర్ ను చూస్తే మనకు అర్థమవుతోంది. ఈ సినిమాలోని డైలాగులు కూడా ఈ సినిమాకి మరింత ఆసక్తిని పెంచేలా కనిపిస్తున్నాయి. టీజర్ లో రవితేజ ఒక షాట్లో సీతను తీసుకువెళ్లాలి అంటే సముద్రం దాటితే సరిపోదు ఈ రావణాసురుడిని కూడా దాటాలి అంటూ చెప్పే డైలాగ్ నిలుస్తోంది.
క్రైమ్ ట్రేలర్ గా తెరకెక్కిస్తున్న ఈ చిత్రం టీజర్ అంచనాలను పెంచేస్తోంది. రవితేజ తో పాటు ఈ సినిమాలో హీరో సుశాంత్, శ్రీరామ్, అను ఇమ్మానియేల్, మేఘ ఆకాష్, పర్యా అబ్దుల్లా, పూజిత పొన్నాడ, రావు రమేష్ మురళీ శర్మ తదితరులు నటిస్తూ ఉన్నారు. ఈ చిత్రాన్ని సుధీర్ వర్మ దర్శకత్వంలోని తెరకెక్కించారు. ఈ చిత్రం కచ్చితంగా సక్సెస్ అవుతుందని ధీమాతోనే చిత్ర బృందం ఉన్నట్లు తెలుస్తోంది ప్రస్తుతం ఈ సినిమాకు సంబంధించి టీజర్ వైరల్ గా మారుతోంది.