నక్సలిజం బ్యాక్ డ్రాప్ అంటేనే టాలీవుడ్ కు చెందిన హీరోలు భయపడుతున్నారు. అందుకు కారణం 2022 నేర్పిన పాఠమే. ఒకప్పుడు నక్సలిజం బ్యాక్ డ్రాప్ లో చాలా సినిమాలు వచ్చేవి. రాను రాను ఇలాంటి సినిమాలు చేయడం తగ్గించారు. కానీ అనూహ్యంగా ఈ ఏడాది నక్సల్ కంటెంట్ ఉన్న కొన్ని సినిమాలు వచ్చాయి.
అందులో మొదటిగా చెప్పుకోవాల్సిన చిత్రం `ఆచార్య`. కొరటాల శివ దర్శకత్వంలో మెగాస్టార్ చిరంజీవి మెగా పవర్ స్టార్ రామ్ చరణ్ హీరోలుగా రూపుదిద్దుకున్న ఈ చిత్రం భారీ అంచనాల న‌డుమ విడుదలై బాక్సాఫీస్ వద్ద డిజాస్టర్ గా నిలిచింది. ఆ తర్వాత రానా, సాయి పల్లవి జంటగా నక్సలిజం బ్యాక్ డ్రాప్ లో విరాటపర్వం అనే లవ్ స్టోరీ చేశారు. వేణు ఊడుగుల దర్శకత్వం వహించిన ఈ చిత్రం బాక్సాఫీస్ వద్ద బొక్క బోర్లా పడింది.
రీసెంట్గా సంతోష్ శోభ‌న్ `లైక్ షేర్ సబ్ స్క్రైబ్` అనే మూవీ తో వచ్చాడు. ఈ మూవీని సైతం నక్సలిసం బ్యాక్ డ్రాప్ లోనే తెర‌కెక్కించారు. కానీ ప్రేక్షకులను ఈ సినిమా ఏమాత్రం ఆకట్టుకోలేకపోయింది. మొత్తంగా 2022లో వచ్చిన మూడు నక్సలిజం బ్యాక్ డ్రాప్ సినిమాలు డిజాస్టర్ అయ్యాయి. దీంతో ఇప్పుడు టాలీవుడ్ హీరోలు నక్సలిజం బ్యాక్ డ్రాప్ అంటేనే భయపడుతున్నారు. అసలు ఆ జోన‌ర్ లో సినిమా చేసేందుకు ఏ ఒక్కరూ ముందడుగు వేయడం లేదు.