కోలీవుడ్ హీరో సిద్ధార్థ్, హైదరాబాదీ బ్యూటీ అదితిరావు హైదరీ ప్రేమలో ఉన్నారంటూ గత కొద్ది రోజుల నుంచి జోరుగా నెట్టింట ప్రచారం జరుగుతున్న సంగతి తెలిసిందే. ఇటీవల అదితి బర్త్డేకి సిద్ధార్థ్ తనతో క్లోజ్గా దిగిన ఫోటోను ఇన్స్టా ద్వారా పంచుకున్నాడు. ఈ సందర్భంగా `నా గుండెల్లో యువరాణి` అంటూ అదితికి బర్త్డే విషెస్ తెలిపారు.
దీంతో సిద్ధార్థ్-అదితి ప్రేమలో ఉన్నారంటూ వార్తలు ఊపందుకున్నాయి. వీరిద్దరూ జంటగా `మహాసముద్రం` సినిమాలో నటించారు. శర్వానంద్ ఇందులో మరో హీరోగా చేశాడు. అయితే ఈ సినిమా సమయంలోనే సిద్ధార్థ్, అతిది మధ్య పరిచయం ఏర్పడిందని, ఆ పరిచయం ప్రేమగా మారడంతో ప్రస్తుతం వారిద్దరూ డేటింగ్ చేస్తున్నారంటూ వార్తలు నెట్టింట షికార్లు చేశాయి.
అంతేకాదు వీరిద్దరూ త్వరలోనే పెళ్లి చేసుకుంటారంటూ కూడా ప్రచారం జరిగింది. ఈ వార్తలపై అటు సిద్ధార్థ్ ఇటు అతితి ఇద్దరూ స్పందించలేదు.. ఖండించలేదు. పైగా ఇటీవల శర్వానంద్ ఓ కార్యక్రమంలో సిద్ధార్థ్ అదితిల ప్రేమాయణం నిజమే అంటూ పరోక్షంగా కామెంట్స్ చేశారు. ఇక తాజాగా సిద్ధార్థ్ అతిది ముంబై హోటల్లో దర్శనమిచ్చారు. చెట్టాపట్టాలేసుకొని తిరుగుతున్న ఈ ప్రేమ జంట మీడియాకు చిక్కడంతో ఫోటోలు క్లిక్ అనిపించారు. ప్రస్తుతం సిద్ధార్థ్ అతిదిల తాజా ఫోటోలు సోషల్ మీడియాలో తెగ వైరల్ అవుతున్నాయి. దీంతో వీరిద్దరూ పీకల్లోతు ప్రేమలో ఉన్నారడానికి ఈ ఫోటోలే ప్రూఫ్ అంటూ నెటిజన్లు కామెంట్లు చేస్తున్నారు.