సుకుమార్ – అల్లు అర్జున్ కాంబినేషన్ గురించి మనం ప్రత్యేకంగా చెప్పనవసరం లేదు. వీరి కాంబినేషన్లో వచ్చే ప్రతి సినిమా కూడా బ్లాక్ బాస్టర్ విజయాన్ని అందుకుంటోంది. అందుకే సుకుమార్ – అల్లు అర్జున్ కాంబినేషన్ కి విపరీతమైన క్రేజ్ ఉంది. ఇదిలా ఉండగా వీరిద్దరి కాంబినేషన్ సినిమాల ద్వారా మొదలవ్వకముందే ఒక షార్ట్ ఫిలిం ద్వారా మొదలైంది. అయితే ఈ విషయం చాలా తక్కువ మందికి మాత్రమే తెలుసు అని చెప్పాలి. మరి సుకుమార్ – అల్లు అర్జున్ కాంబినేషన్లో వచ్చిన మొట్టమొదటి షార్ట్ ఫిలిం ఏంటో ఇప్పుడు ఒకసారి చదివి తెలుసుకుందాం.
ఇకపోతే వీరి కాంబినేషన్లో వచ్చిన షార్ట్ ఫిలిం కేవలం మూడు నిమిషాల నిడివి మాత్రమే ఉందని, ఈ షార్ట్ ఫిలిం కి అల్లు అర్జున్ నిర్మాతగా కూడా వ్యవహరించడం విశేషం. మరి ఈ షార్ట్ ఫిలిం లో..” మన కర్తవ్యాలు నిర్వర్తించడం కూడా దేశభక్తి అవుతుంది.. మార్పు మనతోనే మొదలవుతుంది.. ఆ మార్పు నేనే అంటూ” బన్నీ చెప్పిన డైలాగ్ అందరినీ ఎంతగానో ఆకట్టుకుంది. ఇలా సుకుమార్ – అల్లు అర్జున్ కాంబినేషన్లో వచ్చిన ఈ షార్ట్ ఫిలిం అప్పట్లో బాగా ఆకట్టుకుంది. ఇకపోతే ఈ షార్ట్ ఫిలిం తర్వాత సుకుమార్ అల్లు అర్జున్ కాంబినేషన్లో వచ్చిన మొదటి సినిమా ఆర్య కావడం విశేషం. ఇక ఈ సినిమా బ్లాక్ బస్టర్ విజయాన్ని సొంతం చేసుకుంది
ఆ తర్వాత ఆర్య సీక్వెల్ ఆర్య 2 వచ్చినా పెద్దగా ప్రేక్షకులను ఆకట్టుకోలేదు. మళ్లీ వీరిద్దరి కాంబినేషన్లో వచ్చిన పుష్ప పాన్ ఇండియా రేంజ్ లో బ్లాక్ బస్టర్ విజయాన్ని సొంతం చేసుకుంది. ఇప్పుడు ఈ సినిమాకి సీక్వెల్ కూడా రాబోతోంది.. పుష్ప 2 సినిమా రెగ్యులర్ షూటింగ్ సెప్టెంబర్ 22వ తేదీ నుంచి ప్రారంభం కానున్నట్లు చిత్రం యూనిట్ వెల్లడించింది. మరి ఈ సినిమా ఏ రేంజ్ లో విజయాన్ని సొంతం చేసుకుంటుందో తెలియాల్సి ఉంది.