టాలీవుడ్లో ప్రస్తుతం మోస్ట్ అవైటెడ్ సినిమాల లిస్ట్ లో సీతారామం సినిమా ఒకటి. ఈ సినిమా మొదలైనప్పటినుంచి తెలుగు చిత్రసీమలో పాజిటివ్ బజ్ ఉంది. ఈ సినిమాపై అభిమానుల్లో భారీ అంచనాలు ఉన్నాయి. ట్రైలర్, టీజర్, పాటలు ప్రేక్షకులను బాగా ఆకట్టుకున్నాయి. వైజయంతీ మూవీస్ చాలా ప్రెస్టేజియస్తో ఈ సినిమాను నిర్మించి… ప్రేక్షకుల ముందుకు తీసుకు వెళ్లింది. సీతారామంలో మహానటి ఫేమ్ దుల్కర్ సల్మాన్ హీరోగా చేయగా… క్రేజీ డైరెక్టర్ హను రాఘవపూడి దర్శకత్వం వహించారు.సీతారామం సినిమాకు ముందుగా పాజిటివ్ వైబ్స్ వచ్చేశాయి.
సీతారామం సినిమా ప్రమోషన్లు ప్రధాన నగరాలలో భారీ ఎత్తున చేస్తున్నారు. ఈ సినిమా బృందం సినిమాపై మంచి క్రేజ్ క్రియేట్ చేశారు. సీతారామంకు ఎవరు ఊహించనట్టుగా భారీగా థియేట్రికల్ బిజినెస్ జరిగింది. సీతారామం సినిమాకు దాదాపు రూ.18.70 కోట్లకు ఫ్రి రిలీజ్ బిజినెస్ జరిగిందట. అంటే ఈ సినిమా బాక్స్ ఆఫీస్ వద్ద క్లీన్ హిట్ అవ్వాలంటేంటే రూ.19.50 కోట్లు వరకు కలెక్షన్స్ రాబట్టాల్సి ఉంటుంది.
సీతారామంకు ఉన్న క్రేజ్ కు హిట్ టాక్ వస్తే వారంలో బ్రేక్ ఈవెన్ పూర్తి చేస్తుంది. ఓ వారం రోజుల పాటు స్టడీగా ఉంటే చాలు బ్లాక్ బస్టర్ హిట్ గా నిలుస్తుందని సినీ విశ్లేషకులు అభిప్రాయపడుతున్నారు. ఈ సినిమాలో దుల్కర్ సల్మాన్ లెఫ్టినెంట్ రామ్ పాత్రలో కనిపించనున్నాడు. మృనాణ్ ఠాకూర్ హీరోయిన్ గా నటించింది. నేషనల్ క్రష్ గా పేరొందిన రష్మిక మందన ముస్లిం అమ్మాయిగా కథను మలుపు తిప్పే ముఖ్యమైన పాత్రలో నటించింది. ఈ సినిమాను వైజయంతి మూవీస్ బ్యానర్పై చలసాని అశ్వనీదత్ భారీ బడ్జెట్తో నిర్మించారు.