వరల్డ్ స్లీప్ డే సందర్భంగా, ప్రముఖ నటి రష్మిక మందన్న నిద్ర ప్రాముఖ్యత గురించి చెప్పారు. మన ఆరోగ్యం కోసం నిద్ర చాలా అవసరమని, ఆ విషయంలో ఎవరి కోసం రాజీ పడకూడదని రష్మిక అన్నారు. “ఈ రోజు (మార్చి 17) స్లీప్ డే, గాయ్స్. మన లైఫ్‌లో నిద్ర చాలా ముఖ్యమైనది. కాబట్టి మీరు కంటినిండా నిద్రపోవాలి. మీ నిద్రను ఎవరినీ లేదా దేనినీ పాడు చేయనివ్వవద్దు. నేను నేర్చుకున్న వాటిలో ఇదొక ఒక గొప్ప లెసన్, నేను ఈ గొప్ప విషయం తప్పక షేర్ చేసుకోవాలి. హ్యాపీ స్లీప్ డే,” అని ఈ చిన్నది అన్నది.
రష్మిక మందన్న కంటినిండా నిద్రపోవడంతో పాటు రోజూ వర్కవుట్‌లు చేస్తుంటుంది. సన్ స్క్రీన్ వాడుతూ తన స్కిన్ కాపాడుకుంటుంది. వారి లక్ష్యాలను సాధించడానికి కష్టపడి పనిచేయమని ఇతరులను ప్రోత్సహిస్తుంది. ఏకాగ్రత, కష్టపడి పనిచేయడం ఎవరికైనా వారు కోరుకునే వ్యక్తిగా మారడానికి సహాయపడుతుందని ఆమె నమ్ముతుంది.
చాలా ఆకుకూరలతో కూడిన పోషకమైన ఆహారాన్ని రష్మిక తింటూ తన యవ్వనాన్ని కాపాడుకుంటుంది. ప్రతి రాత్రి పడుకునే ముందు రెండుసార్లు ముఖం కడుక్కుంటుంది. ఎప్పుడూ వాటర్ తాగుతూ హైడ్రేటెడ్‌గా ఉంటుంది. జుట్టు కోసం ఆకుకూరలతో కూడిన పోషకమైన ఆహారాన్ని తింటుంది. వేడి చేసిన నూనెతో శరీరాన్ని మసాజ్ చేసుకుంటుంది. ఇక సినిమాల విషయానికి వస్తే రష్మిక మందన్న రణబీర్ కపూర్ ‘యానిమల్’, అల్లు అర్జున్ ‘పుష్ప 2’లో కనిపిస్తుంది. పుష్ప 2 సినిమాతో రష్మిక చాలా క్రేజ్‌ తెచ్చుకునే అవకాశం ఉంది. ఆల్రెడీ ఇప్పటికే పాన్ ఇండియా స్టార్ గా రష్మిక మారింది .