మిల్కీ బ్యూటీ తమన్నా త్వ‌ర‌లోనే పెళ్లి చేసుకోబోతోందంటూ గత నాలుగు రోజులుగా ప్రచారం జరుగుతున్న సంగతి తెలిసిందే. గతంలోనూ తమన్నా పెళ్లి వార్తలు వైరల్ అయ్యాయి. కానీ వాటిని మిల్కీ బ్యూటీ ఖండిస్తూనే వచ్చింది.
ఇక ఇప్పుడు ముంబైకి చెందిన ఓ బ‌డా వ్యాపార‌వేత్త‌తో తమన్నా ఏడడుగులు నడవబోతోందనే వార్త సోషల్ మీడియాను ఓ రేంజ్ లో షేక్ చేస్తోంది. ఈ నేపథ్యంలోనే తాజాగా తమన్నా తనుకు కాబోయే భర్తను అందరికీ పరిచయం చేసింది. అయితే తమన్నాను పెళ్లాడబోయే అబ్బాయిని చూసి నెటిజ‌న్లు షాక్ అవుతున్నారు.
అందుకు కార‌ణం లేక‌పోలేదు.. `ఎఫ్ 3` సినిమాలో తమన్నా న‌టించిన మెయిల్ గెటప్ కు చెందిన ఫోటోను ఇత‌డే పెళ్లి కొడుకు అంటూ ఆమె ఇన్‌స్టా స్టోరీలో పంచుకుంది. `ఇంట్రడ్యూసింగ్ మై బిజినెస్‌మెన్ హస్బెండ్`.. అంటూ తన పెళ్లి గురించి పోస్ట్ చేసిన పేజ్‌ని ట్యాగ్ చేసింది. అంతేనా `మ్యారేజ్ రూమర్స్.. ప్రతిఒక్కరూ నా లైఫ్ గురించి స్క్రిప్ట్ రాసేస్తున్నారు` అనే హ్యాష్ ట్యాగ్స్ తో పెళ్లి వార్త‌ల‌ను వెరైటీగా కొట్టిపాడేసింది.