తెలుగు సినీ ఇండస్ట్రీలో మొదట ఊహలు గుసగుసలాడే సినిమాతో ఎంట్రీ ఇచ్చిన నాగశౌర్య తన మొదటి సినిమాతోనే మంచి విజయాన్ని అందుకున్నారు.. ఇక తర్వాత దిక్కులు చూడకు రామయ్య, ఛలో సినిమాతో మంచి విజయాన్ని అందుకున్నారు నాగశౌర్య. ఇక ఆ తర్వాత ఒక్కటంటే ఒక్క సినిమా కూడా హీట్ పడిన ఖాతాలో చేరలేదు నాగశౌర్య. ఈసారి ఎలాగైనా సక్సెస్ సాధించాలని ఉద్దేశంతోనే “కృష్ణ వ్రిందా విహారి” అనే సినిమాతో ప్రేక్షకుల ముందుకు రావడం జరిగింది. ఈ చిత్రాన్ని డైరెక్టర్ అనీష్ కృష్ణ దర్శకత్వం వహించారు. మరి ఈ సినిమాతోనైనా నాగచౌలో సక్సెస్ అందుకున్నాడేమో తెలుసుకుందాం.
ఇక కథ విషయానికి వస్తే నాగశౌర్య ఒక సాఫ్ట్వేర్ కంపెనీలో ఉద్యోగం కోసం ట్రైనర్ గా జాయిన్ అవుతాడు.. ఆ కంపెనీలో పని చేస్తున్న మేనేజర్ షేర్లీతో పరిచయం ఏర్పడుతుంది..ఆ పరిచయం కాస్త ప్రేమగా మారుతుంది. ఇక వీరిద్దరూ కలిసి పనిచేయడం తో వీరిద్దరి మధ్య ప్రేమ ఎలా చిగురిస్తుంది అనే కథ అంశంతో ఈ సినిమాని తెరకెక్కించారు. నాగశౌర్య బ్రాహ్మణ కుటుంబానికి చెందిన అబ్బాయిగా నటించారు. హీరోయిన్ షేర్లీతో ప్రేమలో పడిన తర్వాత నాగశౌర్య ఎలాంటి ఇబ్బందులు ఎదుర్కొన్నారు అన్నది మిగతా కథ.. ఇక ఈ చిత్రంలో కామెడీ కూడా ప్రేక్షకులను బాగానే ఆకట్టుకున్నట్లుగా తెలుస్తోంది.
ఈ చిత్రంలోని నాగశౌర్య హీరోయిన్ షేర్లి జంట చూడడానికి చాలా అద్భుతంగా నటించారు. ఇక అంతే కాకుండా వీరిద్దరి మధ్య కామెడీ కూడా బాగా సాగినట్లు తెలుస్తోంది. ఈ చిత్రం కుటుంబ కథ చిత్రం. అయితే డైరెక్టర్ కథ పై ఇంకాస్త పదును పెట్టి ఉంటే.. ఈ సినిమా బ్లాక్ బస్టర్ విజయాన్ని అందుకునేది అన్నట్లుగా ప్రేక్షకులు భావిస్తున్నారు. ఇక ఈ చిత్రంలోని ట్విస్ట్ లు ఈ సినిమాకి హైలైట్ గా నిలుస్తున్నట్లు తెలుస్తోంది.
ఈ చిత్రంలోని నటీనటులు, ఫ్యామిలీ సన్నివేశాలు, కామెడీ సన్నివేశాలు ఈ సినిమాకి ప్లస్సుగా ఉన్నాయి. అయితే సెకండ్ హాఫ్ లో కొన్ని సన్నివేశాలు బోరింగ్ గా అనిపించాయి. కానీ ఎట్టకేలకు నాగశౌర్య ఈ చిత్రంతో తమ అభిమానులను అలరించారని చెప్పవచ్చు.